წრიული მარშრუტი იწყება და მთავრდება ვიზიტორთა ცენტრთან. ტერიტორია გარშემორტყმულია ფიჭვნარი ტყით. ვიზიტორთა ცენტრის აღმოსავლეთ ნაწილში მდებარე პანორამული გადასახედიდან ეროვნული პარკის სტუმრებს შეუძლიათ დატკბნენ მთის გასაოცარი ხედებით. ამ ადგილიდან თვალწარმტაცი პეიზაჟი იშლება გარშემო მდებარე სოფლებზე - ქუმელაურთა, ცოკლათა, ჩიგლაურთა და ხახაბო. ბილიკის გასწვრივ შეგიძლიათ ისარგებლოთ საპიკნიკე და საკარვე ადგილებით.