ჩვენი მისია


თუშეთის დაცული ლანდშაფტი წარმოადგენს თუშეთის დაცული ტერიტორიების ნაწილს (თუშეთის სახელმწიფო ნაკრძალთან და თუშთის ეროვნულ პარკთან ერთად) და მოიცავს 31,517 ჰა-ს.
თუშეთის დაცული ლანდშაფტის შექმნის მიზანია:
(ა) უნიკალური ეკოსისტემების, ცალკეული ბუნებრივი კომპონენტების ანთროპოგენიზაციის შედეგად გადაგვარება–დაღუპვისგან დაცვა;
(ბ) უმდიდრესი ეროვნული მემკვიდრეობის – ხალხური ხუროთმოძღვრების ძეგლთა და ისტორიულ-კულტურული ლანდშაფტის შენარჩუნება;
(გ) მაღალმთიანი ბუნებრივი და ისტორიულ-კულტურული ლანდშაფტის ფსიქოლოგიურ-ესთეტიკურ რესურსებზე მზარდი რეკრეაციული მოთხოვნილებების დასაკმაყოფილებლად საჭირო ინფრასტრუქტურის შექმნა;
(დ) ხალხური შემოქმედების ტრადიციათა შენარჩუნება და განვითარება;
თუშეთის დაცული ლანდშაფტის ტერიტორიაზე დაშვებულია მხოლოდ:
(ა) გარემოს, ისტორიისა და კულტურის ძეგლების დაცვა, მოვლა–პატრონობა და აღდგენა;
(ბ) მანიპულაციური სამეცნიერო კვლევა;
(გ) თუშეთის ეკოსისტემისა და მის ფარგლებში გავრცელებულ გარეულ ცხოველთა და ველურ მცენარეთა სახეობების კონსერვაცია და აღდგენა;
(დ) რეკრეაციულ–ტურისტული და საგანმანათლებლო საქმიანობა;
(ე)ტრადიციული სამეურნეო საქმიანობა;
(ვ) ტურიზმის განვითარებისათვის შესაბამისი ინფრასტრუქტურის მოწყობა.

ბიომრავალფეროვნება

თუშეთის ფლორა და ფაუნა

ტურები

თავგადასავლებით აღსავსე მოგზაურობა თუშეთში

კესელოს კომპლექსი

ციხე-სოფელი დიკლო

შენაქოს ეკლესია

დართლო

აქ თუშეთია

როდესაც ვმოგზაურობ, არ აქვს მნიშვნელობა ქვეყნის შიგნით ან მის ფარგლებს გარეთ, თუ ჩავთვლი, რომ ნანახ-შეგრძნებულ-შემეცნებული ჩემთან ისე ახლოს მოვიდა, იმდენად აღმაფრთოვანა, აღმამაღლა, ბლოგს იმსახურებს, ვცდილობ თბილისს მობრუნებისთანავე, უმოკლეს დროში დავწერო და იცით რატომ? იმიტომ რომ იმ ზემოხსენებულმა აღფრთოვანებებმა, შეგრძნებებმა არ გამიაროს! საერთოდაც, განელებულ ვნებებზე წერა არ ღირს მეგობრებო, არა … თუმცა ჩემმა პოსტ-პანდემიურმა, თუ გაგანია პანდემიურმა თუშურმა ვოიაჟმა სტერეოტიპები მიმილეწ-მომილეწა და რაც დრო გადის, ჩემი ემოცია დუღს, დუღს, გადადუღს … ჰოდა, მანამ სანამ, თავს ჯერ კიდევ ვთოკავ და ადეკვატურობა შემრჩენია, გიამბობთ იმაზე, თუ როგორ უპირობოდ ‘ჩავითუშე’ … ადეკვატურობა შემრჩენია მეთქი იმიტომ ვახსენე, რომ სხვა შემთხვევაში თუ ვჩქარობ, ვნებების განელების თუ მეშინია, თუშეთის ეფექტი, ლამის ორი თვის თავზე, უკუღმართული შეიქნა – რაც დრო გადის, თხემით ტერფამდე უფრო მეტად ვმძაფრდები! მოკლედ, მეშინია დროის სრბოლასთან ერთად ‘ნამეტანი’ არ მომივიდეს და ეგებ აქ, ახლა გამომყვეთ #აქთუშეთია – ში!

თუშეთი


კავკასიონის მთავარი ქედის გადაღმა, დაღესტნისა და ჩეჩნეთის მოსაზღვრედ, ცაში გამოკიდებული, წარმოსახვას გამცდარი, ველური სილამაზე – თუშეთი, სადამდე მისასვლელი გზაც, 2013 წელს, მსოფლიოში უმსხვილესმა ბრიტანულმა სამაუწყებლო კორპორაციამ BBC, ევროპის ყველაზე ექსტრემალური გზების ჩამონათვალში შეიყვანა, სანახავია აბა რაა?! აგვისტო-სექტემბრის პერიოდში თუშეთში ჩასვლა 2-ჯერ მომიხდა, თანაც საოცნებო მივლინებით, ბრწყინვალე მეგზურებთან ერთად და ამ ყველაფერს, თუ დამიჯერებთ, ასმაგი ‘drive’ ახლდა. თან აღმოაჩენ, თან საქმეს აკეთებ, თან ადგილობრივები გიწევენ გიდობას, თან გრძნობ შენ, შენი მცირედი წვლილი შეგაქვს, ძალისხმევას არ იშურებ ჯერ კიდევ შეუცნობელი სააშკარაოზე გამოიტანო, საზოგადოებას გააცნო, დააინტერესო – აი, ამაზე მეტი ‘კაიფი’ მართლა სიგიჟეა!

წაიკითხეთ მეტი

თუშეთი - სრული სიგიჟე


თუშეთი - სრული სიგიჟე. მიუხედავად იმისა რომ საქართველო ამოუწურავია და მრავალფეროვანია თუშეთი თავისი გრანდიოზულობით, არარეალური მაშტაბებით, მრავალფეროვნებით, თავისუფლად, ზედმეტი გადაჭარბების გარეშე #1-ია. ვისაც გიჩნდებათ კითხვა ,,გზა როგორია?'' - გზა - არის ისეთი როგორიც უნდა იყოს ცაში... გზა - მთელი ხიბლი - საოცრება;

წაიკითხეთ მეტი

ონლაინ მაღაზია

საბეჭდი და ტიპოგრაფიული ინდუსტრიის უშინაარსო ტექსტია.

COMING SOON...

ცხვარ-მეცხვარობა

თუში მეცხვარე წელიწადში თორმეტი თვე ღია ცის ქვეშ, ოჯახს მოწყვეტილი, ნაბდის ამარა, ექვსასი კილომეტრამდე საცხვრე ტრასაზე და ათასი კილომეტრი ადგილზე ცხვრის დევნაში, ქმნის პროდუქციას, იცავს საქართველოს სახელმწიფო საზღვარს და თუშური ცხვრის ჯიშობრივ სიწმინდეს, არასდროს აწუხებს ხელისუფლებას გაუსაძლისი პირობების თაობაზე, არ ითხოვს სოციალურ შეღავათებს და ხელფასს, ასაქმებს და ხელფასს უხდის მწყემსებს, თვითდასაქმებულია და ყველაფერ ამასთან ერთად გადასახადსაც უხდის სახელმწიფოს.

წაიკითხეთ მეტი

დალაობა

დალაობა მამაკაცთა სამგლოვიარო ზარია, რომელიც სრულდებოდა და სრულდება ახლაც მხოლოდ იმ შემთხვევაში, თუ წლისთავის ხარჯს დოღით იხდიან. თუშური დალაობის მოტივი ერთხმიანი მოძახილია, ხოლო ტექსტი - თექვსმეტმარცვლიანი ურითმო ლექსი. დალაობა შინაარსობრივად, სიცოცხლეში, გარდაცვლილის საქმეთა სადიდებელსა და მისი სიკვდილის სინანულს წარმოადგენს.

წაიკითხეთ მეტი